I fine’ne’na na membron Guåhan sumaonao gi Soka Gakkai gi 1961 annai mambisisita Hapon. Guaha oppotunidåt-ña para u kuentos yan si Daisaku Ikeda, ni’ sumohyo’ gui’ para u mantieni i konsisti na hinengge para todu i lina’lå’-ña. Gi 1962, i pakyon Karen dumestrosa 95 put 100 na liheng mandångkolo gi isla. Achuka’ gi halom todu i dinestroson i finakpo’ i pakyo, guaha grupon singko na famalao’an ma tutuhon chumule’ dångkolo na påsu para u ma tånom i simiyan Buddhism.
Ma ripotte gi diha 17 gi Abrit, 1965 i ma fotman i Destriton Guåhan, gi i nina’huyong i ‘World Tribune’. Ma estapblisa i destriton Hagåtña gi Ineru 1967. Gi 1968, ma tutuhon ma tånom i simiyan Buddhism gi islan Saipan. Gi Oktubri 1970 , ma go’te i fine’ne’na na sirimonihas ‘Gohonzon-conferral’ para u ma kombida hålom i nuebu na membro siha ni ma gotte gi iya Guåhan. (Siña ma translåda i sirimonihas ‘Gohonzon-conferral’ para “sirimonihas hinalom”. I Gohonzon i opheton manadora, i royu, ni’ ma na’sahnge sagå-ñ i nuebu na membro siha gi gima’-niha.)
Gi 1972, ma estapblisa destritu gi iya Saipan. Ma fotma i kapitilon Guåhan gi sigente na såkkan. Gi Abrit 1974, guaha 200 put mås na membros yan sais na destritu. Despues gi ayu na såkkan, ma fotma kapitilon Hagåtña, gi 1975, ma estapblisa i Hiniråt na Kapitilon i Marianas.
Ginen ayu, i SGI ma saluda ni’ i kumunidåt i Islas Marianas i SGI-USA mannå’i lepblo yan tråstes para i eskuela yan i laibiriha, ma go’te difirentes na komferensia, gupot, yan finatta gi pås, direchon i taotao, yan i tano’ ya mandanña’ yan i eskuelan ilimentåriu put i plånu put åtte yan pås.
Ma rikoknisa ni’ kumunidåt yan meggai na settifiku yan pruklamasión i SGI na otganisasión ni’ gaige guini. Ha risibi si Daisaku Ikeda inenran takhelo’ na idukasión ginen i Unibetsidåt Guåhan, i Kulehon Kumunidåt Guåhan, yan i Kulehon i Notte Marianas yan i si’udadånon inenra ginen i islan Guåhan, kondotu ginen i 20 na songsong siha.
Manånayuyot yu’ na i islan Guåhan, i prisi’oson i lugåt i kurason-hu, u gossa taifinakpo’ na pås yan guinaha.
—Daisaku Ikeda
