Ti u ma baba i pettan i nuebu na idåt kumu ta nanangga ha’ para u ma susedi. Debi di ta baba namaisa, gi binatbåru-ta yan inånimu na aksión.
—Daisaku Ikeda
Gi Ineru 26, 1975, 158 na riprisentånte siha ginen 51 na tåno’ yan titoriåt mandanña’ gi liheng “Guåhan International Trade Center” para i Primet na Komferensian Pås i Tano’ Guihi na ma tutuhon i “Soka Gakkai International (SGI)” gi durånten i “Cold War”, i inacha’igen i Eståtdos Unidos yan i “Soviet Union” yan i mañisiha gi gera, ni’ pumega siha gi papa’ animåson i geran i ‘nuclear’.
Inetnon Buddhist i “Soka Gakkai” ni’ manotdinåriu na taotaogue ni’ ma kumiti siha para i pås yan minagof i tinaotao. Dos na fa’fa’nå’guen CHapanis tumutuhon gi 1930, annai tumachu i dos para u ma kontra i manmå’gas i militåt gi i tiempo-ñiha ya ma tånga para u ma nå’i i taotao ni’ i pudet i hinenggen i inafitman-lina’la’ i “Nichiren Buddhism”.
Gi 1960, i mina’tres na prisidenten Soka Gakkai, as Daisaku Ikeda, tumutuhon i hinanao siha gi uriyan i tano’ para u na’ladångkolo i fuetsan i Soka Gakkai para pås ya para u fanali’e’ yan i mangge’helo’ i tano’ siha para u ma na’danña’ i dinibiden i tinai’inangokko entre kuentos ha’. Ma fotma i SGI para u ma supotte este na cho’cho’ gi i diniseha gi tiempon chinatsaga.
