Mensåhi ginen i Mangge’helo’ i Tano’ Siha

Manma rikoknisa ni’ pueston mangge’helo’ siha i maolek na nina’en i Soka Gakkai na kumunidåt gi uriyan i tano’.  Ma gefilao lokkue’ i taifinakpo’ na cho’cho’ Daisaku Ikeda para u na’saonao i mangge’helo’ i tano’ yan i manmenhalom  gi tunas yan mababa na inakuentusi  yan inaligaon kinemprende.  Palu gi 100 na mensåhen inabiba ginen taiguini siha na mangge’helo’ siha ma risibi åntes i ma fotman i SGI.

Aurelio Peccei

‘Industrialist’, ‘Philanthropist’, yan i otro ni’ sumåonao gi tinituhon i  ‘Club of Rome’

I fuetsan pås siña malågu ginen i kurason yan i hinasson taotao ya u gai inadilånto ginen i pineksai kualidåt na lina’la’ entre enteru i tano’.

Patricia Schroeder

Titige’, Abugao, Kongresoran i Eståtdos Unidos

I sineseden i manma’pos prumeba na prisisu para i hinerasión-ta para ta fåna’ i achaki-ta siha ginen i inatan ni’ rumipåra i nisisidåt todu taotaogue gi enteru i tano’.   Sin dinida, i komferensia para u inayuda tumancho’ mo’na i chalan para ta cho’gue;

Juan de Dios Guevara Romero

‘Rector of the National University of San Marcos, Peru’

Este na saludu ginen Peru, put ma guaiya i tano’-måmi pås, yan gi hilo’ todu, i pås ni’ humuyong ginen hustisia, i pås ni’ ina’agang risotto para i achåken i  enteru lina’la’ taotao. 

Austregesilo de Athayde

Titige’, ‘Journalist’, Prisidenten i ‘Brazilian Academy of Letters’

Ti siña i pås ma adahi sin numa’kalamten i fuetsan espiritu siha, yan todu i kinalamten ni’ siña numahalom  para u ma nina’metgot siha, debi di u ma miresi fiet yan konsisti na supotte ginen i taotao siha yan i inafa’maolek i nasión.

Rene Huyghe 

Titige’, Atmenestradora, Prufisora, yan Membron i ‘Academie Francaise’.

Na’ mahungok i bos i minenhalmn i taotao gi påpa’ i inadahi-mu, ni’ i aturidåt otden inagang  yan i fuet na guinaiyan tinayuyot.

Esta ha tutuhon kumahulo’ i atdao Nichiren Buddhism gi destånsian i kanton långhet. Fuera di un espiha i tinina yan glorian-maisa, hu diseha na un nå’i i dikno’ na lina’la’-mu para un na dokko’ i pipitas pås i ‘Mystical Law’ gi enteru i tano’.  Bai hu cho’gue parehu.

—Daisaku Ikeda

Hagas Tråstes Ginen I Komferensian Pås Enteru I Tano’

Sumåsaonao hagas tråstes yan i pu’ema siha ni’ ha tuge’ si Daisaku Ikeda para u sohyo’ ayu siha i para u fangge’helo’ gi entre i mismo tano’-ñiha,  tråstes mimorias, yan tråstes inenra ni’ ma adahi ginen i dinanña’. Todu rumiprisesenta i fresko na fuetsa, diniseha, yan minagof para u ma eppok nuebu na nåpon pås ya u ma tutuhon ginen guini gi iya Guåhan.