Siña ma sångan na dikike’ este na komferensia, dinanña’ manaotao ni’ manaina’an ginen difirentes tåno’ yan tiritoriu siha.  Lao hu hongge na i inetnon på’go na ha’åni para u ma’lak i ininå-ña gi hestoria para i manmamamaila’ na siklo siha, ya i na’an-miyu, sin dinida u ma måtka gi i kuenentan i nina’fåmta’ ‘Buddhism’ gi enteru i tano’ ha’, lao lokkue’ gi i hestorian tinaotao.

—Daisaku Ikeda, gi i kuentos-ña kumu Prisidenten SGI

Chinile’ guini siha na litråtu palu gi i aktebidåt Daisaku Ikeda gi halom i singko dihas ni’ binisitå-ña Guåhan gi Mit 1975.

Atpahon CHamoru

Un fåyi na sinangan Guåhan i “ Yanggen guaha prublemå-mu, tohge hulo’ ya un fåna’. Mungnga ma nangga esta ki hinilat hao.”  I yaben i ginannan  i Bente Unu na siklo  siempre ayu i konsiste na rinisiben inachåka yan inapreta, ånimu yan binåtbaru. Ayu ni’ chumonnek siha taiguini siempre manmangånna.  Estague’ i finanå’guen ‘Buddhism’. Estague’ i areklamenton  hestoria.

—Daisaku Ikeda

Yoshihiro Tatsuki

Yoshihiro Tatsuki (1937-)  Litratistan Chapanis ni’ meggai nina’huyong-ña ya machocho’cho’ gi halom minalago’-ña  desde 1969 gi nana’fåmta’, gaseta, mampopblíblika, yan gi båndan cho’cho’ magåhet  na dinimimoria.

Tinattiyi si Daisaku Ikeda gi as Tatsuki gi hinanao-ña siha para otro lugåt siha gi 1975 annai ha dukumento meggai na aktebidåt-ña entensasionåt   kontodu gi i inestapblisan I SGI gi iya Guåhan. 

Atpahon CHamoru

“Didide’ båli-ña i menhalom na taotao yanggen tåya’ respetu-ña.” Semplisiu este na sinangan, lao magåhet  empottånte i mensåhi-ña. Meggai inadilånto gi siensia yan teknolia, ya meggai inimenta gi guinahan tiningo’ yan emfotmasión. Lao didide’ ha’ pinacha-ña gi minagof yan pås i tano’.  Sa’ håfa mohon? Manmalingu hit ni’ put para håfa todu este siha na inabånsa. Estague’ i hale’ i manaisensian taotao yan i  numa’fangaduduku todu ni’ håfa siha ta lili’e’ put hita.

I ansiånu na finayen Guåhan kinekentra fitme este na linachi------i linachen i mama’må’gas na tiningo’.  Kumu mohon ma adåpta ni’ i mangge’helo’ i tano’ i espiriton finayen este na sinangan, guaha siempre pås entre i tano’ sin pineddong. 

—Daisaku Ikeda