Kakahat pås si Daisaku Ikeda, hahasson hinenggen Buddhist, fa’fa’nå’gue, yan titige’, ni’ ma fañågu gi iya Tokyo gi diha 2 gi Ineru, 1928. Guiya prisidenten unu gi et mås takhilo’ yan miklåsi na inetnon Buddhist gi halom kumunidåt, ni’ pumetsisigi i filosofihan gai pudet yan sinanao sosiåt para pås.
Ha li’e’ si Ikeda i manna’ma’ñao i gera siha gi iya Hapon gi durånten i Geran Enteru I Tano’ II. Mientras lumibetåtta, sinangåni gui’ nu et mås åmko’ na che’lu-ña låhi, ni’ ma konne’ para i militåt, put i tinailayi siha ni’ ha li’e’ na ma cho’gue ni’ i ‘Imperial Army’ i CHampanis gi otro båndan i tasi. Ha bira gui’ tåtte i che’lu-ña låhi para i gera ya ti måtto tåtte låla’la’.
Umadinggan despues si Ikeda yan si Josei Toda, un taotao ni’ ma pongle ni’ gubietnamenton Hapon sa’ put i ha rinunsia para u na’påra i hinengge-ña para u tattiyi i hinenggen i minanehan i militåt. Gi hinalom na siñente-ña, inangngoko si Toda as Ikeda kumu guiya inayek-ña para u esgaihon gui’. Alos uttemu, finonaigue gui’ kumu i mina’tres na prisidenten Soka Gakkai gi 1960. Pumasehu gui’ gi uriyan enteru i tåno’ para u fåkkai i nina’en gai pudet na filosofihan ‘Nichiren Buddhism’ ni’ i sinesengge na na guinaiyan i para u na’suha i gera yan i dinibiden enteru i tano’ ya para u baba i chalan para para taifinakpo’ na pås yan inagofli’e’.
Mesklao na kumunidåt gi enteru i tano’ i ‘Soka Gakkai (Value Creation Society) International’ ni’ prumaktitika ‘Nichiren Buddhism’, ni’ ginen i fina’nå’guen Lotus Sutra. Ma gogof toktok ni’ Soka Gakkai i hinenggen i pås, kottura, yan edukasión ni’ gaige gi talo’lo’ i respetu para i diknidåt i lina’la’.
Ginen i ti fotmåt siha na kombetsasión siha gi i gima’ taotao siha na mampraktikao na taotao SGI annai humuyong i mismo inetnon rilihon para i SGI Buddhists. Sumåsaonao lokkue’ i lålai ‘Nam-myoho-renge-kyo’, i mismo na prinaktikan rilihon, i inestudión i Buddhist, yan i dineskuten taimanu ma emplementa i filosofihan i Buddist guini gi mandikike’ na aktebedåt gi halom bisinu gi nuebu yan di’åriu na lina’la’.
Para mås emfotmasión, hånao para sgi-usa.org
