Para si Daisaku Ikeda, mås ki i finattan i gera ha’ i pås. Lao mås ha tatancho’ i grupon kondisión annai ma totoktok yan ma agradesi i difirensian kottura siha ya gi halom fitme na inakuentos kumu ma ayek para u ma hago’ inafa’maolek. Gi ti chågo’ tåtte na sakkan, ginana yan måmta’ bali-ña i idehan “kotturan pås” gi enteru i tano’. Ginen i tinige’-ña
Desde annai mina’tetset na prisidenten Soka Gakkai gi 32 na idåt, ha petsigi si Ikeda i mi’estao na aktebedåt gi pinetsigen i pås enteru i tano’. Gi mi’alimenton i che’cho’-ña sumaonao petsonåt na respetu gi durånten i geran i ‘Cold War’, i sisigi ha’ na kombetsasión siha yan i meggai na difirentes estao taotao gi uriyan I tano’, los kuåntos ma popblika na tinige’ yan priniponi siha, yan i tinituhon i difirentes otganisasión pås na inetnon siha. Guinahan ineppok lokkue’ gui’ para i enteru i fondo na aktebedåt SGI, kumu put prinitehen direchon tinaotao, ‘nuclear abolition, ‘disarmament’, konsiste na inadilånto, yan inatulaikan kottura.
Dumoko’ i kinimiten Ikeda para pås ginen i eksperensiå-ña annai hoben na sotteru gi i geran ‘World War II’. I inatungo’-ña yan i sigundo na prisidenten Soka Gakkai as Josei Toda gi finakpo’ i gera umayuda si Ikeda fumotma i kikinentran gera na sentemento siha para filusufiha ni’ sumupotte i mibånda na kinalamten pås. I hinenggen i Buddhist put i tinåddong na rinikohen i lina’la’ yan i mihinasso na nina’siñan kada taotao siha, sumosteteni i brinabon i sinaonao-ña yan i hinennge gi i minetgot i inakuentusi ni’ numa’dadanña’ i inachago’ entre i taotao.
